Greqia, investitori më i madh në Shqipëri

Sipas Bankës së Shqipërisë, vitin e kaluar investimet e huaja direkte ishin 869 milionë euro, ndërsa 121 milionë euro ose 14 për qind, ishin kapitale me origjinë greke

Pavarësisht krizës së madhe ekonomike që ka përfshirë Greqinë viteve të fundit, prapë shteti helen mbetet investitori më i madh në Shqipëri me 26 për qind të investimeve të përgjithshme. Të dhënat e fundit zyrtare tregojnë se vetëm, vitin e kaluar investimet e huaja në Shqipëri kanë arritur shifrën 869 milionë euro.

Sipas Bankës e Shqipërisë, Greqia vazhdon të jetë edhe investitori më i madh korrent. Vitin e kaluar investimet e huaja direkte ishin 869 milionë euro, ndërsa nga kjo shuamë  121 milionë euro ose 14 për qind ishin kapitale ishte me origjinë greke.

Pas Greqisë investitori i dytë më i madh në Shqipëri është Kandaja, me 17 për qind të totalit, ndërsa në vendin e tretë vjen Italia me 12 për qind. Ndërsa krejt pas tyre vjen Austria, Turqia, Zvicra, Gjermania, etj.

Ndryshe, të dhënat tregojnë se sektori me investimet më të mëdha nga jashtë është transporti dhe telekomunikacioni, i cili ka thithur 27 për qind të totalit të kapitalave që kanë hyrë nga jashtë. Në vendin e dytë është sektori financiar me 17 për qind dhe në vendin e tretë vjen industria nxjerrëse e cila ka marrë 15 për qind të investimeve të huaja.