Hadërgjonaj, asiston në debutimin ndaj Dortmundit

Ai ka zhvilluar një ndeshje të mirë, derisa në minutën e 58-të ka asistuar për mrekulli në golin që e realizoi Dario Lezcano për 3:1

Mbrojtësi shqiptar, Florent Hadërgjonaj ka debutuar në Bundesligë. Mbrojtësi i djathtë nga Kosova ka luajtur nga fillimi për Ingolstadt kundër Borussia Dortmundit, shkruan abinfo.ch.

Ai ka zhvilluar një ndeshje të mirë, derisa në minutën e 58-të ka asistuar për mrekulli në golin që e realizoi Dario Lezcano për 3:1.

Takimi ka qenë mjaft dramatik, kurse përfundoi 3:3. Ky ishte takimi i parë për mbrojtësin nga Kosova, derisa pritet që të aktivizohet edhe në përballjet e ardhshme.

Hadërgjonaj gjithashtu është pjesë e grupmoshave të Zvicrës, kurse ende nuk e zbuluar të ardhmen e tij me Kombëtare.