HelloSafe shpall Shqipërinë destinacionin më të bukur për të vizituar në 2025

Beautiful Ionian Sea with clear turquoise water, wooden pier and morning summer coast view from beach (Ksamil, Albania). Two shots stitch image.

Shqipëria është vlerësuar si vendi më atraktiv për turizëm në vitin 2025 nga platforma ndërkombëtare HelloSafe. Në bazë të sigurisë, përballueshmërisë ekonomike, klimës dhe prani në mediat sociale, Shqipëria mori 75.8 pikë, duke lënë pas destinacione si Greqia dhe Kroacia.

Raporti vlerëson veçanërisht bregdetin e jugut, ku plazhet e Ksamilit dhe gjiri i Dafinës dalin si vende të paprekura dhe tërheqëse natyrore. Përveç bregdetit, lugina e Thethit në Alpet shqiptare rekomandohet për peizazhe magjepsëse dhe aventura në natyrë, transmeton albinfo.ch.

HelloSafe nënvizon se Shqipëria po bëhet një alternativë për udhëtarët që kërkojnë eksperienca autentike, larg turizmit masiv, me male të egra dhe natyrë të ruajtur mirë. Ky vlerësim forcon reputacionin ndërkombëtar të vendit si destinacion turistik në rritje dhe promovon zhvillimin e turizmit të qëndrueshëm.