“Hendbolli na bashkon” u mbajt në St. Gallen

Foto: Federata e Hendbollit te Kosoves

Të shtunën është mbajtur aktiviteti i parë i projektit shumë “Handball verbindet uns – Hendbolli na bashkon”.

Ky është projekt i përbashkët i Federatës së Hendbollit të Zvicrës dhe Federatës së Hendbollit të Kosovës, që sa më shumë fëmijë me rrënjë shqiptare e që jetojnë në Zvicër, të bëhen pjesë e shkollave dhe klubeve të hendbollit.

Aktiviteti i parë është mbajtur të shtunën paradite në St. Gallen.

Dhjetëra fëmijë shqiptarë dhe familjarët e tyre ishin pjesë e aktivitetit, ku janë njoftuar me lojën e hendbollit, mundësitë që ofron sporti ynë dhe perspektivën e marrjes me hendboll.

Ndër të tjera në këtë aktivitet kontribuuan kapiteni i Kombëtares së Kosovës, Valon Dedaj, pivotja e Kombëtares së Kosovës, Dafina Mustafa dhe ish-reprezentuesja e Kosovës, Pashke Marku.

Pas një jave aktivitetet në kuadër të projektit “Hendbolli na bashkon” do të mbahen në Luzern dhe Aarau.