Hendbollisti nga Gjermania vjen për Kosovën

Etrit Xhafolli është pajisur edhe zyrtarisht me pasaportë të Kosovës dhe ka fituar të drejtën që të paraqiten për Përfaqësuesen e Kosovës në hendboll

Javën e kaluar hendbollisti i skuadrës gjermane SG VTB Altjuhrden anëtar e Ligës së tretë shtetërore, Etrit Xhafolli edhe zyrtarisht u bë pjesë e Kombëtares së Kosovës, pasi  kishte aplikuar për pasaportë kosovare dhe të premten mori dokumentin zyrtar, duke u bërë pjesë e Kosovës, shkruan sajti zyrtar i Federatës së Hendbollit të Kosovës.

Etrit Xhafolli (1997 i lindur, 195 cm i gjatë) tani e disa vite luan me sukses në disa skuadra gjermane duke filluar nga grupmoshat e reja deri tek skuadra  SG VTB Altjuhrden anëtar i Ligës së tretë (vetëm Ali Salihu më herët ka zhvilluar gara në këtë rang, kurse i madhi Aziz Makiqi është i vetmi që ka luajtur në Bundesligë), rang në të cilin luan edhe vëllai i Etritit, Albini (i lindur në vitin 1998, ‘majtak”, i cili luan ne pozitën e alos së djathë te  skuadra e dytë e Gumersbahit dhe kandidat potencial për Kombëtaren e Gjermanisë, përcjell albinfo.ch.

Sipas Etritit ju ka plotësuar ëndrra të luan për shtetin e tij, dhe për të është nder paraqitja në fanellën e Kombëtares së Kosovës, duke premtuar se përveç shfrytëzimit te mundësisë se paraqitjes në Kombëtaren U-20 nga data 8-14 nëntor 2016 në IHF Trophy në Gjeorgji, ai shpreson të jetë edhe në përbërjen startuese për ndeshjet kualifikuese për ‘EURO 2020’ në ndeshjet me Turqinë që zhvillohen më 2 dhe 6 nëntor 2016.

Sidoqoftë me angazhimin e Etritt, përzgjedhësi Taip Ramadani ka fituar një lojtar perspektiv, mirëpo federata e hendbollit shpreson që edhe talentet e tjerë kosovarë të zyrtarizojnë paraqitjet e tyre për Kombëtare, në rend të parë Luigj Quni nga Zvicra, por edhe Gëzim Salihi nga Suedia, por edhe Albin Xhafolli (vëllai i Etritit) nga Gjermania te cilët janë padyshim e ardhmja e hendbollit kosovar, kurse një talent nga Zvicra, i riu Rinor Avdulli, këtë veç  e ka zyrtarizuar para disa ditësh.