Hiqen të gjitha kufizimet për udhëtimet në Spanjë

Tirana International Airport

Me urdhrin e Ministrisë së Brendshme,  nr. INT 647/2021, botuar në fletoren e sotme zyrtare dhe me efekt që prej ditës së sotme, hiqen kufizimet për udhëtimet e shtetasve shqiptarë në Spanjë, transmeton albinfo.ch.

Ambasada e Shqipërisë në Madrid shkruan se për të udhëtuar në Spanjë shtetasit shqiptarë duhet të jenë të pajisur me dokumentacionin e vlefshëm të udhëtimit.

Aty theksohet se do të vazhdojë të kërkohet dokumentacioni shëndetësor:

• Testi negativ covid 19 (PCR ose test i shpejtë) të bërë brenda 72 orëve të fundit. Përjashtohen nga kërkesa për test fëmijët nën moshën 6 vjeç. Ose,
• Certifikatë vaksinimi të plotë, që konfirmon vaksinimin të paktën 14 ditë para udhëtimit. Njihen nga autoritetet spanjolle të shëndetsisë vaksinat e llojit Pfizer BioNTech; Moderna; Astrazeneca; Janssen/Johnson & Johnson; Sinopharm. Fëmijët mbi moshën 6 vjeç që shoqërohen nga prindërit e vaksinuar duhet të kenë testin negativ covid19.
• Si dhe regjistrimi para udhëtimit në portalin https://www.spth.gob.es/, 48 orë më parë dhe marrjes së kodit përkatës QR.