Hong Kongu, qyteti më i shtrenjtë në botë, Cyrihu, i treti

Cyrihu është i treti ndërsa Gjeneva e teta në këtë listë të qyteteve më të shtrenjta, në të cilën janë krahasuar 209 qytete të mëdha të botës

Hong Kong

Në mesin e dhjetë qyteteve më të shtrenjta në botë, Zvicra përfaqësohet me dy sish! Cyrihu dhe Gjeneva me çmimet për jetesë (banimi, shërbimet, ushqimi, veshmbathja etj.) bëjnë pjesë në këtë listë të cilën e kryeson qyteti kinez Hong Kongu. Ky qytet ka merituar vendin e parë para së gjithash falë ngritjes së vlerës të dollarit të Hong Kongut, shkruan spiegelonline.de.

Në vendin e dytë është, nuk do ta besoni, një qytet afrikan, Luanda, kryeqyteti i Angolës, dhe pas tij në vendin e tretë, vjen Cyrihu. Gjeneva zë vendin e tetë ndërsa një vit më parë ishte e pesta.

Vitin e kaluar në këtë listë ishte edhe Berna, e cila zinte vendin e nëntë ndërsa këtë vit nuk ka hyrë në mesin e dhjetë qyteteve më të shtrenjta.

ipas publikimit të bërë nga kompania Mercer, e cila ka bërë krahasimin e 209 qyteteve të mëdha të botës. Ajo ka marrë çmimet e 200 produkteve dhe shërbimeve për të nxjerrë listën e përmendur.

Është interesante se qytetet gjermane nuk dallohen me çmime të larta. Kështu të vetmet qytete të Gjermanisë që kanë hyrë në top njëqindëshin sipas shtrenjtësisë janë Munihu dhe Frankfurti.