Hovenier: Radojçiq është në listën e zezë të SHBA-së

Ambasadori amerikan në Kosovë, Jeff Hovenier, nuk ka komentuar bisedën e Kusari – Lilës me Milan Radojiçiq, vetëm ka theksuar faktin se ai është në listën e zezë të SHBA-së për krim të organizuar.

“Nuk mund të flas shumë për këtë, liderët politikë në Parlament kanë komunikim me të gjitha palët. Por Radojiçiq ju e dini se është në listë të zezë të SHBA-së”, është shprehur Hovenier, përcjell albinfo.ch.

Mimoza Kusari-Lila e ka pranuar që ka biseduar me Milan Radojiçiq-in, duke thënë që ka komunikuar me të përmes Sllavko Simiq për tre-katër minuta.

Mimoza Kusari-Lila del që ka biseduar me Milan Radojiçiq pesë herë. Nacionale ka nxjerrë edhe pjesën tjetër të përgjimeve, nga biseda e shefes së grupit parlamentar të Lëvizjes Vetëvendosje me ish-deputetin Sllavko Simiq.

“Seriozisht po të them, jo vetëm ty, por edhe kryeministrit do t’i thyhej koka dhe të gjithëve me rend nëse do të thoja këtë. Ke folë pesë herë me Milanin”, thotë ish-deputeti Sllavko Simiq shefes së grupit të LVV-së, që shpreh shqetësimin për reagimin që do të pasonte nëse vetë Simiq do të publikonte atë që di, përcjell albinfo.ch.