Hoxhaj e konfirmon: Jemeni njeh Kosovën

Edhe Sekretari i parë në Zyrën e Ministrit të Jashtëm të Jemenit, Marwan Ali Noman ka konfirmuar që shteti i tij ka njohur Republikën e Kosovës si shtet të pavarur.

Ministri kosovar i Punëve të Jashtëm, Enver Hoxhaj, përmes rrjetit social “Twitter” ka njoftuar se shtetei i jemenit e ka njohur pavarësinë e Kosovës, duke u bërë kështu shteti i 101-të që njeh realitetin në Ballkan

“Kam folur me Ministrin e Jashtëm, Abu-Bakr Al-Qirbi, i cili ma konfirmoi njohjen formale dhe zyrtare të Republikës së Kosovës”, ka shkruar Hoxhaj në Twitter, raporton RTK.

Edhe Sekretari i parë në Zyrën e Ministrit të Jashtëm të Jemenit, Marwan Ali Noman ka konfirmuar që shteti i tij ka njohur Republikën e Kosovës si shtet të pavarur. Lajmin për njohjen e Kosovës shtet, ai ka e ka komunikuar përmes rrjetit social Twitter.

“Jemeni njeh Kosovën si shtet të pavarur”, ka shkruar Noman.

Shtetin e Kosovës, zyrtarisht thuhet se e kanë njohur 101 shtete. Jemeni ka rreth 20 milionë banorë, me shumicë myslimane dhe shtrihet në Gadishullin Arabik. Ky shtet kufizohet nga Arabia Saudite në veri, në Detin e Kuq në perëndim, Gjirin e Adenit dhe të Detit Arabik në jug dhe Omanin në lindje.