Humb jetën edhe një shqiptar në Itali, tragjedia e dytë në familjen Hoti brenda pak muajve

Një kosovar e një shqiptar në mesin e tri viktimave në aksidentin në Venecia

Mediat italiane shkruajnë se midis tri viktimave nga një aksident tragjik në Itali, ishte edhe 22-vjeçari A. H, përcjell albinfo.ch.

Thuhet se i riu është viktima e dytë nga aksidentet në të njëjtën familje brenda këtij viti.

Mediat italiane shkruajnë se familja e A.H, me origjinë nga Kosova, humbi në muajin maj të këtij viti edhe djalin tjetër, A. H, 18-vjeç. Ai vdiq në një aksident rrugor po në Portogruaro.

Në muajin shtator A.H, i cili vdiq nga aksidenti i sotëm, bëri një postim rrëqethës në rrjetet sociale. Më 27 shtator ai shkruante: “Më mungon shumë kampioni im. Kjo jetë pa ty është vërtet e vështirë. Na mungon shumë. Të premtoj se do bëj gjithçka për të pasur drejtësinë e duhur. Mezi pres të të ritakoj, vëllai im”.

I riu ishte në makinë me të atin gjatë përplasjes fatale rreth orës 20:00 të mbrëmjes të 10 majit. Duket se shkak i përplasjes ka qenë rrëshqitja e një Fiat Grande Punto, e cila u përplas me një Chevrolet. Nga përplasja e fortë, Fiat-i i shqiptarit u nda në dysh.

---