Humb jetën një 21-vjeçare nga një aksident në rrugën Ferizaj-Lipjan

Ilustrim

Është bërë e ditur se rreth orës 01:35 të mesnatës, në rrugën Ferizaj-Lipjan ka humbur jetën një 21-vjeçare, derisa pesë persona të tjerë kanë marrë lëndime trupore.

Policia Rajonale e Ferizajt lajmin për humbjën e saj e ka bërë të ditur përmes një komunikate drejtuar mediave.

Sipas policisë, vozitësi kishte humbur kontrollin e veturësë dhe kështu ka dalë jashtë rrugës, ku ka rënë në lumin e fshatit Muzeqinë.

“Sipas raporteve të para, rasti ka ndodhur kur ngasësi i veturës VW Golf V.O. ( m/sh/k 26-vjeçar), duke mos e përshtatur shpejtësinë e lëvizjes kushteve të rrugës, humb kontrollin mbi timonin, kalon jashtë rrugës në anën e majtë, me ç’rast automjeti bie në lumin e fshatit”, thuhet në komunikatë.

Po ashtu, me me urdhër të Prokurorit të Shtetit, trupi i viktimës është dërguar për obduksion në IML Prishtinë.