69.8 % e zviceranëve votojnë kundër Iniciativës së përgjegjësisë mjedisore

Përmasat e "jo"-së në kantonet Neuchâtel, Gjenevë, Vaud dhe Jura ishin më të vogla se në Zvicrën gjermanishtfolëse dhe Ticino

Nisma e përgjegjësisë mjedisore, e iniciuar nga Të Gjelbrit e Rinj ka pësuar një humbje të rëndë në kutitë e votimit, në referndumin e sotëm. 69% të qytetarëve kanë votuar kundër saj.

Me 70 për qind, nisma e të Gjelbërve të Rinj u hodh poshtë. Kjo nuk është befasi, thotë politologu Lukas Golder. Por humbja është më e qartë se sa mund të pritej. Nisma me sa duket gjeti mbështetje vetëm në kampin e majtë-gjelbër.

Niveli mjaft i ulët i interesimit u reflektua edhe në pjesëmarrjen e votuesve: vetëm 38 për qind dolën në votime. Kjo është nën mesataren afatgjatë. Sipas BFS, kjo mesatare është 47 përqind midis 2011 dhe 2023.

Nisma e të Gjelbërve të Rinj u refuzua në të gjitha kantonet, me përqindjen më të ulët të refuzimit në Basel-Stadt (55%). Në kantonet Neuchâtel, Gjenevë, Vaud dhe Jura, kundërshtimi ishte më i ulët krahasuar me Zvicrën gjermanishtfolëse dhe Ticino. Kantoni Schwyz shënoi shkallën më të lartë të refuzimit, me mbi 84%.

Nisma është refuzuar qartë në shumicën e madhe të komunave. Komunat e Riemenstalden SZ dhe Ederswiler JU kanë shënuar madje 100 për qind vota Kundër.

Qytetet e mëdha si Gjeneva, Bazeli dhe Cyrihu gjithashtu kanë votuar kundër. Vetëm rreth dhjetë komuna në gjithë Zvicrën kanë votuar për iniciativën, përcjell albinfo.ch.

 

---