Humbin jetën babai me të birin

Aksidenti ka ndodhur në autostradën në Walterswil deri sa ata ktheheshin nga pushimet jashtë vendit

Në një fatkeqësi të rëndë trafiku në Walterswil të kantonit Solothurn kanë humbur jetën babai dhe i biri, ndërsa një grua ka pësuar lëndime. Siç bën të ditur policia e Kantonit të Aargaut, pjesa e autostradës ku ka ndodhur aksidenti është dashur të bllokohej që nga ora 9.30 deri rreth orës 14.00.  

Një burrë dhe një grua me fëmijën e vogël, po vinin drejtpërdrejtë nga pushimet verore. Dhe, sipas një zëdhënësi të policisë, “me gjasë nga stërlodhja prej udhëtimit të gjatë, ndodhi aksidenti”.  Makina së pari goditi mbrojtëset në të djathtë të rrugës dhe duke tejkaluar ato, u ndal vetëm pasi që u përplas me kulm në shtegun e autostradës për tejkalim.

Nga forca e përplasjeve  mbetën të vdekur babai dhe djali i tij i vogël. Ndërsa gruaja ka pësuar lëndime.