ICO mbyllet në shkurt 2012?

Në takimin e GND-së, që mbahet në korrik të këtij viti, mund të sillet vendimit që ICO-ja të mbyllet në shkurt të vitit 2012

Gjatë këtij viti është bërë reduktimi i personelit të Zyrës Civile Ndërkombëtare (ICO). Kjo ka ardhur si rezultat i përmbushjes së pjesës më të madhe të Pakos së Ahtisaarit. Ndërkaq, udhëzimet e mëtutjeshme të Grupit Drejtues Ndërkombëtar (GDN) do të jenë vendimtare për përmbylljen e mbikëqyrjes ndërkombëtare të pavarësisë së Kosovës.

Burimet ndërkombëtare i kanë thënë Kohës Ditore, se tkurrja e pranisë së ICO-s është pjesë e strategjisë për mbylljen e kësaj organizate, veprim ky që mund të korrespondojë me katërvjetorin e pavarësisë së Kosovës.

Sipas gazetës në takimin e radhës të GND-së, që do të mbahet në korrik të këtij viti, mund të sillet vendimit që ICO-ja të mbyllet në shkurt të vitit 2012.

Zëdhënësi i ICO-s, Andy McGuffie ka pohuar se nuk mund të përcaktohet fundi i pavarësisë së mbikëqyrur meqë ende ka dispozita të rëndësishme të Pakos së Ahtisaarit që duhen përmbushur, dhe se këtë vlerësim mund ta bëjë vetëm GND-ja