IKSHP-ja tregon shifrat për të sëmurët nga fruthi

Nga 200 raste që janë paraqitur nga muaji qershor, 150 tashmë janë trajtuar e 49 raste të tjera janë në trajtim e sipër

Instituti Kombëtar i Shëndetësisë Publike të Kosovës njofton se javëve të fundit ka rënë dukshëm numri i rasteve të fruthit. Në njoftimin e institutit thuhet se nga 200 raste që janë paraqitur nga muaji qershor, 150 tashmë janë trajtuar e 49 raste të tjera janë në trajtim e sipër. Instituti Kombëtar i Shëndetësisë Publike të Kosovës u bën thirrje edhe një herë të gjithë qytetarëve që të marrin të gjitha masat, në mënyrë që të shuhet epidemia me fruth në vend.
Këto janë rekomandimet që i ka dhënë IKPSHP-ja:
– Të vaksinohen të gjithë fëmijët nga muaji i nëntë i jetës me 1 dozë prej 0.5 ml;
– Nëse fëmija është 5 vjeç, duhet të rivaksinohet me MMR dhe nuk ka nevojë të pritet mosha 6-7 vjeç;
– Nëse fëmija është mbi 7 vjeç dhe nuk është i vaksinuar fare, atëherë vaksinohet me 1 dozë MMR menjëherë dhe pas një muaji me booster dozën me MMR.