Imunologu Pascolo: Zvicra do të përjetojë kësaj vere kthimin në jetë normale

Shanset për një verë "normale" janë reale jo vetëm sepse Zvicra po shpejton fushatën e saj të inokulimit, por edhe për shkak të llojit të vaksinave që përdor

Nëse 50 për qind e popullsisë marrin dy doza të vaksinës, Zvicra “do të përjetojë një kthim në jetën normale gjatë kësaj vere”, sipas Steve Pascolo, imunolog në Spitalin Universitar të Cyrihut, transmeton albinfo.ch.

Shanset për një verë “normale” janë reale jo vetëm sepse Zvicra po shpejton fushatën e saj të inokulimit, por edhe për shkak të llojit të vaksinave që përdor.

Moderna dhe Pfizer / Biontech, që të dyja përdorin të ashtuquajturën teknologji “mRNA”, janë efektive kundër varianteve të reja, tha Pascolo, transmeton tutje albinfo.ch.

Ai e bazoi parashikimin e tij në atë që ka ndodhur në Izrael, “një vend me të njëjtën madhësi si i yni, i cili ka përdorur këtë lloj vaksinash dhe ka përjetuar një kthim në normalitet gjatë muajit të kaluar, ndërsa në disa pjesë të botës, përfshirë India dhe Turqia, të cilat kanë përdorur vaksina të tjera, variantet e Covid po bëjnë shkatërrim”, përfundoi ai. /Albinfo.ch

---