Inflacioni në Gjermani ka arritur nivelin rekord

Inflacioni në Gjermani vazhdon me hapa të përshpejtuar edhe në janar, duke arritur nivelin më të lartë që prej tre vjet e gjysmë, raporton "Reuters", përcjell albinfo.ch.

Çmimet e konsumit në Republikën federale u rriten me 1.9% në vit, e cila është pikërisht niveli objektiv i Bankës Qendrore Evropiane, pak nën 2%. Pritjet e ekonomistëve të anketuar nga “Reuters” ishin për një rritje 2 për qind. Në dhjetor rritja ishte 1.7 për qind.
Të dhënat e zyrës statistikore “Destatis” do të japin një shtysë të re të thirrjeve nga Gjermania për Bankën Qendrore Evropiane për të ndaluar këtë lloj të politikës monetare.

“Kohët e inflacionit të ulët në Gjermani përfunduan”, tha Ulrike Kastens, ekonomist në bankën gjermane “Sal. Oppenheim”. Sipas mendimit të tij, nafta e shtrenjtë do të jetë “katapultë” për rritjen e çmimeve të konsumit në një nivel mbi 2% në muajt e ardhshëm. Kastens parashikoi se më 2017 inflacioni do të rritet me një mesatare prej 1.8%.

Të dhënat e “Destatis” tregojnë se rritja e çmimeve të energjisë dhe ushqimeve janë motorët kryesorë të përshpejtimit të inflacionit në muajin e parë të vitit.

Ekonomistët e anketuar nga “Reuters” presin inflacion të përshpejtuar në eurozonë për 1.1% në dhjetor dhe në 1.5 në janar. Shifrat zyrtare priten të martën.

Në terma mujor, çmimet në muajin e parë të vitit janë ulur me 0.6%.