Instagrami rritet për 100 milionë përdorues aktivë

Rrjeti i njohur social, Instagram ka njoftuar se ka shtuar edhe 100 milionë përdorues aktivë në muaj.

Kjo nënkupton që platforma për shpërndarje të fotografive dhe videove ka arritur në 800 milionë përdorues aktivë në muaj, në krahasim me 700 milionë sa kishte në muajin prill, sipas Carolyn Everson, zëvendëspresidente e marketingut në Facebook, që ka folur në një ngjarje në New York, përcjell albinfo.ch.

Sipas kompanisë, 500 milionë përdorues janë aktivë në ditë.

Kjo nënkupton që Instagrami është shumë përpara Snapchatit, rivalit të vet. Snap në muajin gusht kishte thënë se ka 173 milionë përdorues aktivë në ditë.