Intensifikohen sulmet ruse mbi Ukrainë

EPA/STRINGER

Për herë të tretë në pesë ditë, Rusia ka lëshuar raketa në drejtim të Kievit, sulm i cili ka lënë të lënduar të paktën pesë persona.

Sulmi po konsiderohet si pjesë e një përshkallëzimi të dukshëm të bombardimeve ajrore ndaj qyteteve ukrainase nga forcat e Kremlinit.

Kryebashkiaku i Kievit, Vitalii Klitschko, ka njoftuar se nga të lënduarit, dy persona janë dërguar në spital, transmeton albinfo.ch.

Mediat e huaja kanë raportuar se sipas kreut të administratës ushtarake të qytetit të Kievit, Serhii Popko, Rusia lëshoi dy raketa balistike në Kiev nga Krimea, por të dyja u kapën mbi qytet.

Ndryshe, sulmi ka ndodhur tri ditë pas një sulmi në sallën e koncerteve në Rusi që la të vdekur mbi 130 njerëz.