Investitori gjerman: “Në shkurt nis punën fabrika e kolektorëve diellorë në Prishtinë”

Se kjo fabrikë do të hyjë në funksion nga shkurti 2016 është afër mendsh, thotë Thoma duke ditur se makinat tashmë kanë kaluar testimin paraprak në Hilpoltstein

Joint Venture JvG Jaha Energy po instalon aktualisht një fabikë të moduleve solare (të energjisë me diell) në Prishtinë. Mbrapa JvG Jaha Energy, veç të tjerëve qëndron prodhuesi gjerman i makinave solare J.v.G Thoma GmbH nga qyteti Freystadt. Partneri i firmës gjermane është ndërmarrja vendore e Kosovë s, Jaha.

Menaxheri i saj, Gazmend Haxholli, një kosovar që ka jetuar gjatë në Gjermani, ështe, krahas shefit gjerman (Hans Thoma) fuqia motorike e kësaj ndërmarrjeje të përbashkët. Së bashku me të, Haxholli është në rrugë e sipër që «në fazën e parë të punësojë rreth 70 punëtorë, duke filluar nga praktikantët, teknikët, mjeshtrit e elektronikës, e deri te një numër i vogël inxhinierësh dhe punëtorësh adminstrativë.

Fuqia punëtore e kualifikuar në Kosovë është e disponueshme, thotë ai.

Aktualisht, në hapësirën e sallës ekzistuese prej rreth 2500 metrash katrorë po montohet fabrika e moduleve, pjesërisht e automatizuar. «Por nuk do të ketë në çdo pikë pune nga një robot, sqaron Thoma më tutje. Unë kam qenë para tri javësh atje dhe e kam bërë incizimin e truallit”. Kjo, sipas Thoma-s është me rëndësi të veçantë te energjia solare në mënyrë që të mos ndodhin mbushje statike.

Krahas çështjeve teknike, Thoma sqaron po ashtu se «nuk duhet anashkaluar ajo çfarë po ndodh në vend, në Kosovë, në përgjithësi». Prej vitesh Eulexi po përpiqet, me sukses modest, të ndërtojë atje një sistem të shtetit juridik. «Por, unë ndjehem shumë mirë atje dhe zhvilloj diskutime mjaft konstruktive», thotë Thoma.

Gjithmonë varet nga njerëzit me të cilët flet, shton Thoma, i bindur për suksesin e ndërmarrjes. Dhe në këtë pikë ai është në harmoni me atë që thotë Ambasada e Gjermanisë në Prishtinë. Ajo i sheh si «përgjithësisht të mira» kushtet e të bërit biznes të ndërmarrjeve dhe investitorëve të huaj në sektorin energjetik në Kosovë. Sepse «për t`i përmbushur nevojat në rritje për energji elektrike, përveç ndërtimit të termocentraleve të planifikuara të reja janë të nevojshme edhe masat për sigurimin e efikasitetit të energjisë dhe kursimit të saj. Këtu hyn edhe shfryëzimi i burimeve të energjisë së ripërtëritshme», shkruan ambasada.

Se kjo fabrikë do të hyjë në funksion nga shkurti 2016 është afër mendsh, thotë Thoma duke ditur se makinat tashmë kanë kaluar testimin paraprak në Hilpoltstein, vend ky në të cilin është selia e dytë e J.v.G.

Në Prishtinë do të konstruktohen modulet e serisë «Desert» të prodhuesit J.v.G. Thoma. Ky tip shfrytëzon një teknologji që është e përshtatshme për kushtet klimatike me vapë. «Kryesisht për vendet si Egjipti, por përshtatet edhe për vendet e Ballkanit”, përfundon Thoma.