Irani tërhiqet nga Botërori

FIFA ende nuk ka komentuar për zhvillimin e fundit. Më herët presidenti i SHBA-së, Donald Trump, deklaroi se nuk brengoset nëse Irani merr pjesë apo jo

Gianni Infantino, presidenti i FIFA-s, deklaroi se Trump mirëpret Iranin në Botëror, por i menjëhershëm ishte reagimi nga Teherani, me këta të fundit që për herë të parë deklaruan publikisht se nuk do të marrin pjesë në Botërorin “FIFA2026”:

“Nga ky moment që kjo qeveri e korruptuar, SHBA, ka vrarë liderin tonë, nuk kemi ndërmend të marrim pjesë në Botëror. Na kanë sulmuar dy herë brenda 8-9 muajve. Me mijëra qytetarë tanë janë vrarë. Nuk ka asnjë shans të marrin pjesë në këtë Botëror”, u shpreh Ministri i Sporteve në Iran, transmeton albinfo.ch.

Irani është në grup me Belgjikën, Egjiptin dhe Zelandën e Re në Botërorin që do të mbahet në qershor të këtij viti.

FIFA ende nuk ka komentuar për zhvillimin e fundit. Më herët presidenti i SHBA-së, Donald Trump, deklaroi se nuk brengoset nëse Irani merr pjesë apo jo.

---