Isa Mustafa thërret simpatizantët të ruajnë qetësinë

Mustafa ka thirrur simpatizantët e partisë së tij që të ruajnë gjakftohtësinë dhe të presin rezultatet nga KQZ

Në një konferencë të jashtëzakonshme shtypi të mbajtur në orën 23. 10, kryetari i LDK-së, Isa Mustafa u ka bërë thirrje simpatizantëve të LDK-së që të heqin dorë nga manifestimet publike në kryeqytet.

Siç kanë transmetuar mediet kosovare, simpatizantë të LDK-së dhe të PDK-së kanë dalë nëpër rrugët e Prishtinës për të festuar secila palë “fitoren”. z. Mustafa ka thirrur simpatizantët e partisë së tij që të ruajnë gjakftohtësinë dhe ai u shpreh se duhet pritur KQZ-në që të publikojë rezultatet.

Kryetari i LDK-së ka deklaruar se partia e tij do të njohë rezultatet zyrtare dhe do të bëjë vërejtjet për çështjet konstetuese.