Ish-gjyqtari i EULEX-it merret në pyetje nga Prokuroria e Kosovës

Prokurorja e pezulluar e EULEX-it, Maria Bamiah pretendoi në vitin 2014 se gjyqtari italian Florit kishte marrë 300,000 euro ryshfet për të liruar nga akuzat të tri të dyshuarit

Ish-gjykatësi i EULEX-it, Francesco Florit është marrë në pyetje nga prokurorët pasi kërkoi disa herë të dëshmonte për të vërtetuar se ai nuk ka marrë ndonjë ryshfet ka thënë për ‘BIRN’ avokati i tij.

“Pas disa kërkesave që i bëmë prokurorisë së shtetit, më në fund ata vendosën të na ftojnë dhe të dëgjojë atë që klienti im kishte për të thënë në lidhje me pretendimet e disa mediave në Kosovë se ai ka marrë ryshfete”, është shprehur avokati Ramë Gashi, përcjell albinfo.ch.

Në tetor të vitit 2014, familja e tre viktimave të vrarë bënë thirrje që çështja të rihapej pas pretendimeve se njëri prej tyre pagoi ryshfet për të shmangur dënimin.

Dy burra, Besnik Hasani dhe Shpend Qerimi, të dy ish-oficerë të policisë speciale të Kosovës, u dënuan për vrasjet. Në atë kohë, ata po vuanin dënimet për organizimin e një shpërthimi me bombë në Prishtinë në vitin 2007, në të cilin u vranë dy persona.

Megjithatë, i dyshuari i tretë në çështjen e vrasjes së trefishtë, Nusret Cena, u lirua nga akuzat.

Prokurorja e pezulluar e EULEX-it, Maria Bamiah pretendoi në vitin 2014 se gjyqtari italian Florit kishte marrë 300,000 euro ryshfet për të liruar nga akuzat të tri të dyshuarit, por liroi vetëm Cenën.