Sipas njoftimit nga prokuroria Kurz do të përballet me drejtësinë bashkë me ish-shefin e stafit të tij, Bernhard Bonelli dhe një person tjetër, ndërsa gjykimi pritet të nisë më 18 tetor.

Aktakuza është rezultat i hetimit që ka nisur në vitin 2021 kur Kurz ishte ende kancelar dhe ka të bëjë me dëshminë e tij në hetimin për korrupsion në koalicionin të cilit i priu nga viti 2017, kur partia e tij konservatore formoi koalicionin me partinë e krahut të djathtë ekstrem.

Ish-kancelari Kurz dha dorëheqje pasi u shfaq video në të cilën shiheshin zëvendësi i tij, Heinz-Christian Strache, që i ofronte favore një investitori të supozuar rus.

Në rastin e korrupsionit, Kurz akuzohet se ka ofruar prova të rreme në qershorin e vitit 2020 në lidhje me rolin që pati në krijimin e kompanisë “OeBAG”, e cila administronte rolin e shtetit në disa kompani dhe emërimin e udhëheqësve të saj.

Kancelari Karl Nehammer në një konferencë për media sot ka thënë se gjykimi është mundësi për të qartësuar gjërat.