Itali: Arrestohet 36-vjeçari shqiptar për përdhunim

Në Padova të Italisë një shqiptar i Kosovës përdhunoi 37-vjeçare shqiptare

Një ngjarje e rëndë ka ndodhur në Padova të Italisë, ku një shqiptar i Kosovës përdhunoi me orë të tëra një 37-vjeçare shqiptare.

Siç bëjnë me dije mediat italiane, 36-vjeçari nga Kosova e zuri pritë duke e marrë në telefon shqiptaren dhe duke i thënë se djali i saj 18-vjeçar ishte në rrezik. Kur e takoi në rrugë, autori i tregoi armën dhe e rrëmbeu në shtëpinë e tij, ku e përdhunoi për dy orë radhazi, duke e kërcënuar se do e vriste.

Gruaja arriti të shpëtonte nga banesa e 36-vjeçarit dhe menjëherë njoftoi policinë, e cila bëri të mundur arrestimin e tij.

Kosovari, i cili qëndronte në mënyrë të parregullt në Itali, është kontrolluar disa herë që nga viti 2012, me precedentë të shumtë penal për vjedhje, rezistencë ndaj një zyrtari publik dhe krime që lidhen me emigracionin e paligjshëm.

Ai përfundoi në burg në Padova në vitin 2024 dhe pasi kreu një dënim 10-mujor dhe një ditë pasi u lirua, rrëmbeu 37-vjeçaren.

---