Italia në alarm të kuq nga moti i keq, shënon viktimën e parë

Italia është përfshirë në orët e fundit nga moti i keq, i shoqëruar me reshje të dendura shiu dhe përmbytje.

Një person humbi jetën në Bolonja, duke shënuar kështu dhe viktimën e parë nga moti i keq . Ai ishte 20 vjeç dhe po udhëtonte me makinë bashkë me të vëllanë, kur makina e tyre u pushtua nga uji që kishte vërshuar në zonë.

Në zonën e Emilia-Romanja në Cesenatico, në vetëm pak orë ranë 70 milimetra shi, duke shkaktuar krizë në qarkullimin rrugor, po edhe në atë hekurudhor.

Edhe në Katania rrugët u shndërruan në lumenj, duke rrezikuar dhe jetën e një gruaje, shkruan A2, përcjell albinfo.ch.

Ishulli Stromboli po ashtu është një nga zonat që po has vështirësi nga uji në rrugë, ndërkohë që autoritetet kanë nxjerrë shenjën e alarmit në 5 rajone.

Banorët u bllokuan brenda shtëpive të tyre dhe u desh ndërhyrja e Mbrojtjes Civile për evakuimin.