Ivanov: Kuvendi duhet të mbështes popullin dhe vendimin e tyre

Presidenti i Republikës së Maqedonisë, Gjorge Ivanov, ka thënë se kuvendi duhet të mbështes qytetarët dhe vendimin e tyre për referendumin.

“Në referendumin e djeshëm, qytetarët e hodhën poshtë Marrëveshjen e Prespës, duke mos votuar qytetarët qartë u deklaruan kundër vendimeve të shpejta, të imponuara dhe të dëmshme të marra paraprakisht pa konsensus nacional. Bojkotimi është zëri i atyre që janë nënvlerësuar dhe nuk janë dëgjuar, porosia e qytetarëve është dërguar deri tek ata që e kanë patjetër ta dëgjojnë. Realiteti është se referendumi nuk ka pasur sukses, mos u mundoni të ndryshoni këtë realitet. Censusi i vogël vendosi, ndërsa mesazhi i popullit është dërguar. Realitet është se referendumi dështoi, mos luani me vullnetin e popullit. 36.6 për qind që kanë dalë nuk është vullnet i popullit”, ka thënë Ivanov. 

Ai tha edhe se koha është për të marrë përgjegjësi para popullit maqedonas. 

“Mbështetjen e anëtarësimit për NATO dhe BE, e ulët në 36 për qind, e bënë duke manipuluar qytetarët. Shteti nuk udhëhiqet duke luajtur me nenet dhe Kushtetutën e vendit. Kërkoj nga OSBE/ODIHR që të marrin masa për dyshime serioze dhe shkelje në procesin e votimit. Para disa ditësh në OKB, Donald Trump tha se paqja dhe demokracia janë të mundshme vetëm në vende demokratike dhe të lira. Dje populli ynë konfirmoi demokracinë”, tha Ivanov, raportojnë mediat maqedonase përcjell Albinfo.ch.