Izraeli falënderon Kosovën për solidarizim

Keystone EPA/MOHAMMED SABER

Pas sulmeve të cilat nga Izraeli po cilësohen terroriste, ky shtet ka falënderuar Kosovën për solidarizim. Përmes rrjetit social X, Tamar Ziv, Ambasadore e Shtetit të Izraelit në Republikën e Kosovës, ka falënderuar Kosovën me rastin e shprehjes së ndjenjes së solidarizimit dhe mbështetjes për Izraelin pas sulmeve terroriste në Izrael.

“Ne jemi thellësisht mirënjohës për mbështetjen e palëkundur nga miqtë tanë në Kosovë. Mbështetja juaj ka një rëndësi të madhe për ne në këto ditë jashtëzakonisht të errëta dhe të vështira. Ndërsa situata në Izrael vazhdon të zhvillohet, zemrat dhe mendimet tona janë me familjet dhe komunitetet në rajonin jugor”, shkruan ambasadorja izraelite.