Ja çfarë dimë për xhihadistët zviceranë

Si xhihadistë zviceranë konsiderohen ata njerëz që kanë udhëtuar ose kanë dëshiruar të udhëtonin në rajone të konfliktit, kryesisht në Siri ose në Irak, sipas Fedpol, përcjell albinfo.ch.

Ndërsa shumë nga këta njerëz ishin luftëtarë, të tjerë ishin gra që u martuan me luftëtarë të Isis ose me burra që siguronin mbështetje nga ata. Disa nga xhihadistët, si tregohet në raport, kanë mbetur në zonat e konfliktit pavarësisht nëse janë të burgosur ose ende luftojnë. Të tjerë ndoshta janë vrarë, sipas Fedpol, ndërsa të tjerët kurrë nuk u larguan nga Zvicra, ose u larguan dhe tashmë janë kthyer.

Ja çfarë na tregon raporti i ri i Fedpol rreth këtyre xhihadistëve zviceranë.

1) Ata janë nga mbarë Zvicra.

Pothuajse dy të tretat janë nga pjesa gjermano-folëse e vendit, pak më shumë se një e treta janë nga Zvicra frankofone dhe pjesa tjetër nga rajoni italian, përcjell albinfo.ch.

2) Ata janë kryesisht meshkuj.

Rreth 80 për qind e xhihadistëve të Zvicrës janë meshkuj.

3) Mosha mesatare e tyre është 32.

Shumica e xhihadistëve zviceranë hynë në grupin e moshës 20-54 vjeç. Një e katërta e tyre janë më të rinj se 25 vjeç.

4) Gati gjysma e tyre janë shtetas zviceranë.

Rreth gjysma e xhihadistëve të raportuar në raportin e Fedpol kishte shtetësinë zvicerane, nga të cilat gjysma ishin shtetas të dyfishtë. Rreth 60 përqind ishin lindur jashtë shtetit.

5) Ata kanë nivele të ulëta të arsimimit.

Ndërsa Fedpol pranon se të dhënat për arsimimin e xhihadistëve të Zvicrës janë të kufizuara, ai vë në dukje se rreth një në pesë anëtarë të këtij grupi kishin vetëm shkollimin e detyrueshëm, ndërsa disa nuk e përfunduan as atë, përcjell albinfo.ch.

6) Një e katërta e tyre ishin konvertuar në Islam.

7) Të paktën një e treta kishte një dosje penale.

Numri i Xhihadistëve zviceranë në zonat e konfliktit sipas shifrave të Fedpol nga nëntori 2018,  kanë udhëtuar në zonat e konfliktit 92 persona. Gjithsej 31 njerëz në këtë grup mendohet të jenë vrarë (25 të konfirmuar). Rreth 16 besohet të jenë kthyer në Zvicër (13 të konfirmuar).

Sa i përket shtetësisë, 31 në këtë grup ishin shtetas zviceranë dhe 18 ishin shtetas të dyfishtë.

---