Jahjaga e Thaçi në hapjen e lojërave olimpike

Jahjaga eThaçi së bashku me rreth 200 zyrtraë nga gjithë bota do të marrin pjesë në hapjen zyrtare të Lojërave Olimpike “Londra 2012”

Presidentja e Kosovës, Atifete Jahjaga dhe kryeministri Hashim Thaçi do të marrin pjesë në ceremoninë zyrtare të hapjes së Lojërave Olimpike “Londra 2012”. Ata janë ftuar nga sekretari i jashtëm britanik, Ëilliam Hague ndërsa dy liderët kosovarë tashmë kanë arritur në Londër.

Ne aeroportin Heathroë të Londrës, presidentja Jahjaga është pritur nga përfaqësuesi i oborrit mbretëror të Mbretërisë së Bashkuar, ndërsa kryeministri Hashim Thaç menjëherë është takuar me sekretarin Hague, me të cilin ka biseduar për integrimin e Kosovës në Bashkimin Evropian dhe për procesin e reformave të gjithëmbarshme në Kosovë.

Sekretari britanik Hague, siç thuhet në një njoftim lëshuar nga Kryeministria, e ka mirëpritur progresin e arritur në dialogun Kosovë-Serbi, dhe theksoi rëndësinë e vazhdimit të këtij dialogu, në mënyrë që të dy vendet fqinje të kenë mundësi të arrijnë progres drejt anëtarësimit në Bashkimin Evropian.

Jahjaga eThaçi marrin pjesë në hapjen zyrtare të Lojërave Olimpike Londra 2012, ku do të marrin pjesë rreth 200 udhëheqës të vendeve të ndryshme të botës.

Ndryshe e veçanta e kësaj olimpijade është se pas 24 vitesh një kososvare rikthet në këto lojëra. Kjo është xhudistja Majlinda Kelmendi e cila garon me flamurin e Shqipërisë dhe është kandidate për të fituar medalje.