Janë rinumëruar 83.37% të votave

Në Qendrën e Numërimit dhe Rezultateve, ka vazhduar  edhe sot rinumërimi i votave, të caktuara nga PZAP-i.

Sipas njoftimit të KQZ, deri në ora 16:00 ishin rinumëruar votat në 1173 vendvotime, apo 83.37%, nga 1407 vendvotime, transmeton KosovaPress.

“Në QNR po vazhdon rinumërimi i vendvotimeve për të cilat ka vendosur PZAP-i. Vetëm sot (e premte) deri në orën 16:00, janë rinumëruar 72 vendvotime. Pra, deri më tani janë rinumëruar 1173, apo 83.37%, nga 1407 vendvotime”, ka njoftuar zëdhënësi i KQZ-së, Valmir Elezi.