Januzaj huazohet në Sunderland

Adnan Januzaj në sezonin 2016/17 do ta bartë fanellën me numrin 11, numër ky i preferuar nga mesfushori kosovar, pasi e barti edhe te Unitedi

Futbollisti shqiptar, Adnan Januzaj edhe zyrtarisht është konfirmuar se këtë edicion do të huazohet në Sunderland nga Manchester United. Lajmi është konfirmuar nga dy klubet dhe nga dy trajnerët e dy skuadrave, shkruan albinfo.ch.

Januzaj do ta bartë fanellën me numrin 11. Skuadra angleze ka bërë publike numrat për sezonin e ri të Premierligës. Në këtë sezon te skuadra e Sunderlandit do të luajë edhe mesfushori nga Kosova, Adnan Januzaj, i cili u zyrtarizua si transferimi më i ri.

Me tu zyrtarizuar si futbollisti më i ri i skuadrës, ‘Macet e Zeza’ kanë zgjedhur edhe numrin fanellës së tij. Januzaj në sezonin 2016/17 do ta bartë fanellën me numrin 11, numër ky i preferuar nga mesfushori kosovar, pasi e barti edhe te Unitedi.

David Moyes e ka mirëpritur atë në Sunderland, derisa Jose Mourinho ka thënë se e pret atë edhe më të fortë. “Ne mendojmë se Adnan Januzaj është një lojtar i talentuar, por nëse do ishte në skuadër do të thoshte se nuk do të luante në shumë ndeshje”, ka thënë Mourinho.