Hovenier ka bërë përpjekje ta bindë Kurtin për ta tërhequr policinë nga veriu

Ambasadori amerikan në Prishtinë

Ambasadori amerikan në Prishtinë, Jeff Hovenier, pas takimit që ka pasur me kryeministrin e Kosovës, Albin Kurti, tha se në takim kanë folur në mënyrë specifike për situatën aktuale në veri të Kosovës. Hovenier  i ka ripërsëritur Kurtit qëndrimin dhe kërkesat e Uashingtonit zyrtar, të cilat janë shprehur edhe nga sekretari amerikan, Antony Blinken, duke shtuar se është urgjente të merren hapa për shtendosje  të situatës. Për të arritur këtë, tre kryetarët duhet të punojnë në objekte alternative dhe Policia e Kosovës të largohet nga objektet e komunave. I pyetur nëse kanë arritur që ta bindin kryeministrin Albin Kurit për një gjë të tillë, Hovenier ka thënë se s’mund të thotë që ia ka ndërruar Kurtit mendjen, por i kam përsëritur qëndrimin amerikan për atë çfarë duhet të ndodhë, e që është se ne nuk shohim nevojë që në këtë kohë tre kryetarët të ushtrojnë detyrën nga ato objekte dhe nuk besojmë që do të jetë kontribuese që policia e Kosovës të jetë në objekte”, ka thënë Hovenieri.

 

---