Ka ndërruar jetë Kiro Gligorov, presidenti i parë i Maqedonisë

Kiro Gligorov funksionin President e ushtronte nga janari i vitit 1991 deri në nëntor të vitit 1999

Kiro Gligorov, presidenti i parë i Maqedonisë së pavarur, ndërroi jetë mbrëmë rreth orës 22.

Varrimi do të bëhet nesër në orën 13, në varrezat e qytetit Butel, në Shkup. Sipas dëshirës së tij të fundit, varrimi do të bëhet vetëm në rrethin e familjes, njofton zhurnal.mk.

Kiro Gligorov funksionin President e ushtronte nga janari i vitit 1991 deri në nëntor të vitit 1999. Gjatë dy mandateve të tij e promovoi politikën e “ekuidistancës” ndaj të gjithë fqinjëve.

Gligorov ka lindur më 3 maj të vitit 1917 në Shtip.