Kampionët e Evropës për nga rritja e PBB-së

Rumania me rritjen e prodhimit të brendshëm bruto (PBB) në tremujorin e tretë të këtij viti prej 4.6 për qind është kampion në mesin e anëtarëve të BE-së.

Pastaj vjen Bullgaria me një rritje prej 3.4 për qind, sipas të dhënave të fundit nga Eurostat.
Vendin e tretë dhe të katërt e zënë Spanja dhe Sllovakia, në tremujorin e tretë, të cilat kanë regjistruar rritje ekonomike prej 3.2 për qind në vit, sipas Eurostat.

Sllovenia është e pesta me zgjerimin ekonomik prej 3 për qind, përpara Suedisë dhe Qipros, të cila kanë regjistruar rritje të GDP prej 2.8 për qind, ndërsa e teta është Kroacia me një rritje prej 2.7 për qind në vit.

Lista e 10 vendeve të para të BE-së në përputhje me rritjen e PBB-së përfundon me Holandën, ekonomia e së cilës u rrit me 2.4 për qind në vit dhe me Britaninë, me 2.3 për qind.

GDP e Eurozonës në tremujorin e tretë u rrit për 0.3 për qind krahasuar me tremujorin e mëparshëm, ndërsa norma vjetore u rrit me 1.7 për qind.

Në të njëjtën kohë ekonomia e 28 shteteve në tremujorin e raportimit u rrit me 0.4 për qind në baza tremujore dhe vjetore me 1.9 për qind, njoftoi në faqen e internetit Eurostat.