Kancelarja Merkel: Në Kosovë nuk ka vend për struktura paralele

"Është shumë me rëndësi që Kosova të bëhet shtet i fuqishëm, demokratik dhe një vend ku luftohet krimi dhe korrupsioni"

 Kancelarja Merkel kërkoi në konferencën për medie të organizuar pas takimit me kryeministrin Thaçi ka kërkuar nga Serbia që t’i heq strukturat e saj paralele nga Kosova, ndërsa theksoi se  Kosov duhet të jetë konstruktive në dialogun me Serbinë.

“Në bisedat tona me Serbinë ua kemi bërë të qartë se çka dëshirojmë ne. Ne besojmë se mes Kosovës dhe Serbisë mund të gjenden mundësi për tregti të lirë, për bashkëpunim kufitar dhe jemi të interesuar që në Kosovë mos të ketë struktura paralele serbe”, tha Kancelarja.

Duke iu drejtuar gazetarëve, kryeministri Thaçi ka shprehur mirënjohjen e thellë të qytetarëve të Kosovës për gjithë kontributin që Gjermania dhe personalisht zonja Merkel kanë dhënë për Kosovën. Ai ka shfaqur përkushtimin e qeverisë për luftimin e korrupsionit dhe krimit të organizuar.

Ndërkaq kancelaria Merkel ka falënderuar mikpritësit për pritjen e bërë, ndërsa ka shprehur besimin se Kosova po bën hapa dreejt ndërtimit të një shteti demokratik si dhe ka nxitur udhëheqjen e Kosovës që të punojë për forcimin e shtetit ligjor. Ajo ka thënë se Kosova ka ende për të bërë si në forcimin e demokracisë dhe ligjit ashtu edhe në përmirësimin e marrëdhënieve me Serbinë.

Kancelarja gjermane, Angela Merkel, ka arritur në Aeroportin Ndërkombëtar të Prishtinës rreth orës 11:40.

Ajo është nderuar nga Garda ceremoniale e FSK-së dhe është pritur nga kryeministri, Hashim Thaçi.

Pas aterrimit, kancelaria gjermane ka filluar një takim me kryeministrin Thaçi.Pas konferencës për medie, kancelarja Merkel pritet të vizitojë trupat paqeruajtëse gjermane në Kosovë.

Vizita e kancelares gjermane në vendin tonë, në këtë kohë shihet si shumë domethënëse.

@Keystone