Kandidatët shqiptarë për president i mbledhin nënshkrimet e qytetarëve

Keystone (AP Photo/Boris Grdanoski)

Kandidatët shqiptarë për president të Maqedonisë së Veriut kanë përmbushur edhe obligimin tjetër ligjor. Para zgjedhjeve parlamentare, ata kanë mbledhur 10 mijë nënshkrimet e domosdoshme e nevojshme të qytetarëve për zyrtarizimin e kandidaturave të tyre në Komisionin Shtetëror të Zgjedhjeve.

Arbër Ademi i Bashkimit Demokratik për Integrim tha se është e nevojshme të ndryshohet kushtetuta.

“Na duhen të gjithë votat, edhe të shqiptarëve, edhe të maqedonasve dhe të gjithë të tjerëve që të na mundësohet ta ndryshojmë Kushtetutën njëkohësisht edhe për zgjedhjen e presidentit në Kuvend”, tha Ademi, raporton rtk, përcjell Albinfo.ch.

Edhe nga opozita e bashkuar në koalicionin VLEN njoftuan se i kanë mbledhur  10 mijë nënshkrimet e nevojshme  të qytetarëve për kandidatin e tyre Arben Taravari, dhe  të cilat ndërkohë do t’i dorëzojnë në KSHZ.

Kandidaturat e tyre për president, përmes 30 deputetëve ose 10 mijë nënshkrimeve të qytetarëve duhet t’i konformojnë edhe presidenti aktual Stevo Pendarovski. kandidatja e opozitës Gordana Silhanovska dhe disa kandidatë të pavarur maqedonas.

Tetë marsi është afati i fundit për zyrtarizimin e kandidaturave për President të Maqedonisë së Veriut./Albinfo.ch/