Tematike
Kanë trafikuar bashkatdhetarët “për t`i shpëtuar nga mjerimi”
Ata kanë pranuar veprën por kanë thënë se vetëm kanë dashur të ndihmojnë bashkatdhetarët e tyre për të siguruar ekzistencën e familjeve
Tre shqiptarë janë dënuar nga një gjykatë në Fuldau të Gjermanisë për trafikim të qenieve njerëzore.
Shefi i grupit, një shtetas 48 vjeçar i Shqipërisë, ka marrë një dënim prej një vit e nëntë muaj me kusht për trafikim. Ndërkaq, dy vëllezër, shqiptarë shtetas të Kosovës, të moshës 35 gjegjësisht 46 vjeçare për ndihmën që i kanë ofruar 48 vjeçarit janë dënuar me të holla.
Grupi, sipas konstatimit të trupit gjyqësor duke filluar nga viti 2005 u ka siguruar shumë njerëzve nga Kosova, Shqipëria, Serbia dhe Maqedonia pasaporta të falsifikuara italiane dhe kundrejt një pagese, u ka mundësuar atyre të dalin në Gjermani. Megjithatë, nga të gjeturat e trupit gjykues nuk ka qenë e mundur të dëshmohet nëse grupi ka bërë trafikim masiv dhe në baza profesionale.
48 vjeçari ndonëse u ka siguruar pasaporta italiane dhe u ka mundësuar atyre qëndrim ilegal në Gjermani, sipas deklarimit të tij, nuk ka nxjerrë përfitime nga ky veprim. As trupi gjykues nuk ka mundur të konstatojë përfitime eventuale të grupit. Shefi i grupit dhe ndihmësit e tij kanë pranuar veprën por kanë thënë se vetëm kanë dashur të ndihmojnë bashkatdhetarët e tyre që të mund të gjejnë punë në Gjermani për të siguruar ekzistencën e familjeve të tyre.
Dënimet relativisht të ulëta të tre shqiptarëve bazohen edhe në faktin se deri tash ata kanë qenë të pa implikuar në veprime antiligjore, shkruan Fuldauer Zeitung.
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?