Lajme
Kantoni i Cyrihut nis fushatën e karantinës: Kosovarët, ndër grupet e adresuara
Imazhet me fjalët si "udhëtarët e Amerikës", "udhëtarët e Serbisë" ose "udhëtarët e Kosovës" duhet të tërheqin vëmendjen për detyrimin e raportimit dhe të karantinimit
Në Kantonin e Cyrihut deri më sot janë regjistruar 1166 njerëz duke përdorur formularin përkatës në internet dhe kështu, janë vendosur në karantinë, shkruan srf.ch. Por kantoni është duke kërkuar më shumë raste të tilla dhe synon t`i adresojë më mirë grupet e synuara, transmeton albinfo.ch. Për të përmbushur këtë synim, Drejtoria e Shëndetit në Cyrih ka filluar një fushatë të orientuar konkretisht për karantinën.
Imazhet e vendosura në pllakate me fjalët si “udhëtarët e Amerikës”, “udhëtarët e Serbisë” ose “udhëtarët e Kosovës” do të duhej të tërheqin vëmendjen për detyrimin e raportimit dhe për detyrimin e vendosjes në karantinë, thonë në Drejtorinë e Shëndetësisë.
Pikat mbi shkronjat I në fjalët e shkruara në pllakatet e përmendura simbolizojnë virusin e koronës dhe grafikisht kanë pamjen e tij, përcjell albinfo.ch.Fushata përdor postera dhe ekrane të animuara për të treguar se sa shpejt mund të përhapet virusi.
Grupi i synuar nga kjo fushatë do të adresohet përmes kanaleve të ndryshme, si: faqet e posterëve dixhitalë dhe analogë, dhe kanale të ndryshme në internet. Fokusi i fushatës është në rajonet urbane, transmeton albinfo.ch. Ka edhe spote në transmetimet në radio, për njerëzit që kthehen me makina nga vendet që janë në fokus (në këtë rast, nga Kosova, Serbia etj.).
Drejtoria e Shëndetësisë kontrollon në mënyrë të rastësishme (sipas mostrës) mbajtjen e karantinës dhjetë ditore. Në rast të shkeljes, dënimi shkon deri në 10.000 franga.
E-Diaspora
-
Marigona Qerkezi do të debutojë në teatrin e St.Gallenit Marigona Qerkezi ka një krijimtari të pasur artistike si soprano e shquar, ka shkelur shumë skena...
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
Jeta në Zvicër
-
Marigona Qerkezi do të debutojë në teatrin e St.Gallenit Marigona Qerkezi ka një krijimtari të pasur artistike si soprano e shquar, ka shkelur shumë skena...
-
Në cilën prej komunave zvicerane jetohet më mirë?
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër