Kapiteni i Zvicrës nuk dëshiron të pensionohet

Stephan Lichtsteiner është një nga lojtarët më të moshuar të Zvicrës dhe njëherësh kapiteni i parë, derisa zëvendëskapiten është Granit Xhaka.

Të dy luajnë për skuadrën e Arsenalit. Derisa Xhaka është një titullar i padiskutueshëm, Lichtsteiner, ka pasur shumë pak minuta, shkruan albinfo.ch.

Për këtë arsye, Lichtsteiner, i cili tashmë është 35-vjeçar po mendon largimin nga klubi londinez. Megjithatë, ai po pret fundin e sezonit, sepse Arsenal është edhe në finale të Ligës së Evropës, ku do të ndeshet me Chelsean.

Futbollisti zviceran ka oferta nga klube të tjera në Premierligë, derisa flitet se mund të rikthehet edhe në kampionatin italian, por jo te Juventus.

Nuk përjashtohet edhe një aventurë e tij në Major League Soccer, aty ku shumë futbollistë veteranë po e përfundojnë karrierën.