Kasami rezulton pozitiv në testin për koronavirus

Foto: FC Basel

Mesfushori shqiptar, Pajtim Kasami, ka dalë pozitiv në testin për koronavirus, ka njoftuar të mërkurën klubi i Baselit.

Siç bën të ditur klubi zviceran, Kasami është izoluar, por pa ndonjë simptomë.

“Gjatë pushimit shkaku i ndeshjeve ndërkombëtare, të gjithë lojtarët dhe anëtarët e stafit të ekipit të parë janë testuar sërish dhe vetëm Pajtim Kasami ka dalë pozitiv. Baseli i uron shërim të shpejtë Kasamit dhe do t’u japë informacione sa më shumë”, shkruan në njoftimin e klubit të Baselit.