Kasami rikthehet me gol në Zvicër

Pajtim Kasami ka asistuar e shënuar për Sionin, që pësoi humbje nga Grasshoppersi me rezultat 3:2

Futbollistit shqiptar, Pajtim Kasamit nuk i është dashur shumë që të lë gjurmë në Superligën zvicerane, shkruan albinfo.ch.

Kasami asistoi dhe shënoi, por fatkeqësisht skuadra e tij pësoi humbje nga Grasshoppersi me rezultat 3:2.

Kasami asistoi në minutën e 10-të, derisa realizoi në minutën e 27-të, por nuk i mjaftoi skuadrës së tij që të kthehet me pikë. Kasami, Ermir Lenjani e Burim Kukeli luajtën titullarë për Sionin, derisa Nedim Bajrami për Grasshoppersin. Ai u zëvendësua në minutën e 86-të nga Alban Pnishi.

Gol të dielën në Superligën zvicerane ka shënua edhe Shkëlqim Demhasaj.  Ai realizoi në minutën e 84-t, duke barazuar 2:2 ndaj Thunit. Mesfushori i Kosovës, Hekuran Kryeziu luajti nga minuta e 46-të për Luzernin.