Katari befason Zvicër në  Stadio di Cornaredo

Keystone

Miqësorja ndërmjet kombëtares së Zvicrës dhe asaj të Katarit e zhvilluar në Stadio di Cornaredo në Lugano ka sjell një supriz pasi Katari ka fituar me rezultat minimal 0:1 duke sjell edhe befasinë e mbrëmjes.

Pjesa e parë e takimit përfundoi pa gola edhe pse Zvicra dominoi me posedim këtë fraksion të lojës. Edhe pjesa e dytë vazhdoi me dominimin e Kombëtares së Zvicrës por që nuk solli rezultat.

Në minutën e 86 Katari shënoi golin e fitores përmes një kundërsulmi ku shënoi me sulmuesin Akram Afifi. Zvicra u mundua deri në fund po nuk arriti të gjente rrjetën.

Nga tre shqiptar sa ka grumbulluar për këtë ndeshje Zvicra, në pjesën e par ka luajtur kapiteni Granit Xhaka, ndërsa në pjesën e dytë u inkuadruan edhe Shaqiri e Ajeti, ky i fundit i pati disa raste të mira për shënim.

Kjo humbje nuk i bënë mirë kombëtares zvicerane pasi pas pesë ditësh do ta zhvilloj ndeshjen e fundit në Ligën e Kombeve kundër Belgjikës.