Kepi i Rodonit, një ndërthurje mes plazhit, aventurës, kulturës, fesë dhe historisë

Shijoni në këtë verë bukuritë që ofron Kepi i Redonit

Nëse në agjendën tuaj jeni në mëdyshje se çfarë të vizitoni këtë verë, atëherë, Albinfo.ch ju sugjeron Kepin e Rodonit. Është shumë afër Tiranës dhe Durrësit, është një vend historik dhe ka plazhe shumë të bukura në këtë vapë të nxehtë verore.

Kepi i Rodonit është monument natyre. Ai shtrihet në formë trekëndëshi midis gjirit të Rodonit në veri dhe atij të Lalzit në jug.

Vlen të theksohet se Kepi i Rodonit është kepi më i madh në Shqipëri, i cili mbyll nga ana e jugut gjirin e Drinit. Paralel me bregun e tij shtrihen kodra argjilore, të cilat dallohen nga format e rrumbullakëta që e rrethojnë krejt kepin.

Bregu i Rodonit për turistët që e zgjedhin si destinacion, ofron aventurën, hiking dhe kaone, ndërsa për të apasionuarit e historisë është kalaja.

Kalaja e Rodonit u ndërtua në kohën e Skënderbeut rreth viteve 1451-1452.

Gjithashtu, për turizmin fetar, në Kepin e Rodonit janë katër manastire katolike, ai i Shën Anastasisë, Shën Kollit, Shën Mërisë dhe ai i Shën Ndout. /Albinfo.ch

 

---