Kërkohen forca të sigurisë në veri

Në prag të zbatimit të marrëveshjes, kryetari i Mitrovicës, Avni Kastrati kërkoi shtim të masave të sigurisë në veri. Ai tha se gjatë ditëve në vijim situata e sigurisë bëhet më e ndjeshme

Në kohën kur po bëhen përpjekjet e fundit për të gjet një plan për zbatimin e marrëveshjes Kosovë-Serbi, situata e sigurisë në pjesën veriore të Kosovës, ku duhet në praktikë të shtrihet marrëveshja, vazhdo të mbetet e tensionuar.

Komitetit të Sigurisë, që mbahet në kuadër të Drejtorisë për Mbrojtje dhe Shpëtim të Komunës së Mitrovicës, situata në veri të Mitrovicës e konsideron paqëndrueshme për shkak të disa incidenteve që kanë ndodhura atje.

Kryetari i komunës, Avni Kastrati tha se duke pasur parasysh pritjet që të arrihet dakordimi për zbatimin e Marrëveshjes së Brukselit, atëherë edhe gjendja në terren bëhet më e ndjeshme. Për këtë ai shtroi nevojën për shtim të masave të sigurisë në veri.

Ai tha se duhet të vazhdoj bashkërendimi i veprimeve ndërmjet institucioneve dhe strukturave të sigurisë, në mënyrë që të shmanget eskalimi i situatës.

“Duhet të jemi të koordinuar në mënyrë që të mos lejohen tensione, të cilat do ta nxirrnin situatën nga kontrolli”, deklaroi prefekti Kastrati.

Ndërsa drejtori për Mbrojtje dhe Shpëtim, Behxhet Bala, tha se ka disa grupe ekstremiste, por edhe liderë të serbëve të cilët për qëllime të tyre të ngushta mund të tentojnë që të pengojnë zbatimin e marrëveshjes.

“Strukturat e sigurisë duhet të jenë më aktive në mënyrë që të mos lejohen grupe të tilla të pengojnë zbatimin e marrëveshjes”, deklaroi Bala, i cili përmendi dy incidente që kanë ndodhur javën e fundit në veri, ku grupe serbësh kanë sulmuar qytetarë shqiptarë, njëri prej të cilëve, siç tha ai, është lënduar me një thikë.