Këshilli Federal në ekskursion: në fokus, transporti rrugor zviceran

(KEYSTONE/Urs Flueeler)

Ditën e dytë të shëtitjes Këshilli Federal është ndalur në qytetin kryesor të Kantonit të Obwaldit, në Sarnen dhe në Emmenbrücke (LU). Fokusi ishte këtë herë në zhvillimet e transportit zviceran të rrugëve dhe në promovimin ndërkombëtar të paqes.

Në Emmenbrücke këshilltarët dhe kancelarët federalë u informuan për punën e Zyrës Federale, përgjegjëse për rrugët (Astra). Janë prezantuar tabelat e operatorëve, në të cilat kontrollohet situata e trafikut në gjithë rrjetin e autostradave zvicerane nga Emmenbrücke. Gjithashtu janë ngritur pyetje mbi teknologjinë e ardhshme të transportit zviceran.

Më pas Këshilli Federal udhëtoi në Alpnach, së bashku me përfaqësues të qeverisë kantonale të Lucernit, përcjell albinfo.ch.
Qendra e kompetencës SWISSINT paraqiti disa module trajnimi për misionet ndërkombëtare për promovimin e paqes.
Në drekë, në restorantin e aeroportit, Këshilli Federal u takua me anëtarët e ushtrisë zvicerane dhe vëzhguesit. Pastaj, në një shëtitje në Sarnen u takuan me qytetarët në zemër të Obwalden-it.

Programi i ditës së parë, i përmbledhur nga presidentja zvicerane, Doris Leuthard, u përqendrua në çështjet e edukimit dhe inovacionit dhe në të njëjtën kohë kanë vizituar kështjellën Wildegg. Anëtarët e Këshillit Federal dhe kancelarët federalë shfrytëzuan mundësi të shumta gjatë udhëtimit të tyre për të shkëmbyer ide me qytetarët.

Këshilli Federal dëshiron të shprehë mbështetjen për të gjitha rajonet e Zvicrës. Kjo është arsyeja pse ministrat filluan që në verën e vitit 2010 të mbajnë takime të rregullta jashtë ndërtesës së Parlamentit dhe të takohen me qytetarë nëpër vendbanime të ndryshme.