Qeveria e Zvicrës definon bashkëpunimin ndërkombëtar (2021-2024)

Zhvillimi i qëndrueshëm dhe një rend i qëndrueshëm ndërkombëtar, janë në interes të Zvicrës. Në takimin e tij më 30 nëntor, Këshilli Federal mbajti një diskutim për të vendosur akset që do të udhëheqin përgatitjen e mesazhit të ardhshëm mbi bashkëpunimin ndërkombëtar të Zvicrës (2021-2024).

Përveç reduktimit të varfërisë dhe prioriteteve të sigurisë njerëzore, theksi më i madh do të vendoset mbi aspektet ekonomike dhe potenciali i sektorit privat, do të mobilizohet më tej. Lidhjet strategjike midis politikës së migracionit dhe bashkëpunimit ndërkombëtar do të forcohen.

Së fundmi, mesazhi i ardhshëm parasheh, bashkëpunimin dypalësh të bashkëpunimit të FDFA, një fokus gjeografik në katër rajone prioritare. Mesazhi, për herë të parë do të jetë lëndë e një procedure konsultimi opsional që lejon një debat të gjerë për të ankoruar më mirë veprimin e jashtëm të Zvicrës.

Bashkëpunimi ndërkombëtar i Zvicrës duhet të vazhdojë të punojë për uljen e varfërisë dhe rreziqet globale dhe për të nxitur një rend ndërkombëtar të qëndrueshëm dhe bashkëpunues, përfshirë angazhimin e fortë shumëpalësh, transmeton Albinfo.ch.

Në këtë këndvështrim, Këshilli Federal ka përcaktuar tre nivele të analizës strategjike që do të udhëheqin punën përgatitore për mesazhin e ardhshëm (2021-2024) dhe zgjedhjen e angazhimeve të ardhshme të Zvicrës në bashkëpunimin ndërkombëtar. Së pari, ato janë nevojat e popullsive të vendeve partnere, së dyti, promovimi i interesave të Zvicrës (duke përfshirë ekonomike, të migrimit dhe të sigurisë), dhe e treta, avantazhet krahasuese të bashkëpunimit ndërkombëtar të Zvicrës (vlerën e shtuar, aftësitë dhe risitë).

Këshilli Federal gjithashtu ka hedhur bazën strategjike për qasjet që do të miratohen në mesazhin e ardhshëm.

Kështu, Departamenti Federal i Punëve të Jashtme (EDA) dhe Departamenti i ekonomisë, arsimit dhe hulumtimit (DEFR) parashohin mobilizimin e mëtutjeshëm të fuqisë së inovacionit, ekspertizën dhe mundësitë e investimeve private për zhvillim të qëndrueshëm, njofton Albinfo.ch. Lidhjet strategjike midis politikës së migracionit dhe bashkëpunimit ndërkombëtar do të forcohen, sidomos duke adresuar shkaqet e konfliktit dhe migracionit të detyruar.

Në nivelin gjeografik, mesazhi i ardhshëm do të fokusohet në katër rajone prioritare për bashkëpunimin dypalësh të zhvillimit në EDA, si dhe një fokus tematik në këto rajone.

Këto rajone janë: 1) Afrika e Veriut dhe Lindja e Mesme, 2) Afrika Sub-Sahariane, 3) Azia (Azia Qendrore, Azia Jugore dhe Juglindore) dhe 4) Europa Lindore (pa vendet anëtare të Bashkimit Europian). Në mënyrë që të ketë burimet e nevojshme dhe për të ruajtur një masë kritike në sigurimin e efektivitetit dhe angazhimit të saj, EDA planifikon të lëvizë gradualisht në këto katër fusha prioritare, burimet e përdorura në disa vende me të ardhura mesatare në Amerikën Latine dhe Azinë Lindore, informon Albinfo.ch.

Kjo zhvendosje do të zhvillohet gjatë kohëzgjatjes së mesazhit 2021-2024. Kjo është një rishpërndarje e resurseve që nuk do të rezultojë në reduktim të buxhetit.

Ndihma humanitare, aktivitetet multilaterale dhe aktivitetet që lidhen me sfidat globale, do të përqëndrohen në katër rajone prioritare të EDA, duke ruajtur mandatin e tyre universal.

Sekretariati Shtetëror për Çështje Ekonomike (SECO), do të mbajë një numër të kufizuar të vendeve partnere në këto katër rajone dhe në disa vende në zhvillim në Amerikën Latine dhe Azinë Juglindore, duke u fokusuar në aftësitë kyçe në çështjet ekonomike.

Për herë të parë, projekt-mesazhi mbi bashkëpunimin ndërkombëtar 2021-2024 do të jetë lëndë e një procedure konsultimi opcional. Pritet që kjo të mbahet nga maji deri në gusht të vitit 2019. Me këtë rast, do të mblidhet mendimi i kantoneve, partive politike të përfaqësuara në Asamblenë Federale, komunat, qytetet dhe rajonet malore, shoqatat simotra, ekonominë dhe sektorë të tjerë relevantë.

Me këtë diskutim më të gjerë, një vizion i përbashkët do të mbështesë mesazhin e radhës për bashkëpunim dhe reagimin ndërkombëtar se Zvicra ka ndërmend t`u bëjë me shumë sfida – krizave humanitare dhe konfliktet e armatosura, migrimit, pabarazisë socio-ekonomike, pasojave të ndryshimeve klimatike, etj – të cilat aktualisht shënojnë kontekstin ndërkombëtar.

---