Kjo është pasuria e Dua Lipës

Këngëtarja shqiptare ka rritur pasurinë e saj dhe po vazhdon me suksese

Keystone (Photo by Joel C Ryan/Invision/AP)

Njëra nga këngëtaret më të suksesshme shqiptare padyshim është Dua Lipa.

Këngët e saj janë hite në Britani të Madhe, Evropë dhe botë.

Albumi i saj i fundit, “Future Nostalgia” ka rezultuar një sukses i jashtëzakonshëm, i cili përkthehet ndryshe edhe në miliona euro.

Prestigjozja “The Sun” raporton se ylli i muzikës pop është bërë një nga fituesit më të mëdhenj të showbizit në botë, duke arritur një pasuri prej 24.7 milionë funte ose ndryshe 28 milionë euro, përcjell albinfo.ch.

Pasuria e saj krahasuar me vitin e kaluar është dyfishuar nga 11.8 milionë funte (13 milionë euro).

Gjithnjë sipas “The Sun”, Dua Lipa numëron në bankë 17.3 milionë funte (19 milionë euro) sipas shifrave të paraqitura në ‘Companies House’.

“Shifrat e saj po tregojnë se ajo është duke shkuar drejt hapave të Ed Sheeran dhe nëse ajo vazhdon në këto hapa së shpejti do të rivalizojë edhe Adele”, ka thënë një burim nga industria e muzikës për “The Sun”, përcjell albinfo.ch.

LAJME INTERESANTE NGA INTERNETI