Kolona të gjata në kufirin Hungari-Serbi

Edhe pse në kohë pandemie, bashkatdhetarët nuk ka që i ndal asgjë për të kaluar festat e fundvitit në vendin e tyre. Një numër i madh kanë vendosur që festat e fundvitit t’i kalojnë në Kosovë.

Madje, fluksi i madh i tyre ka shkaktuar kolona të gjata në pikat kufitare me vendet e Ballkanit. Mërgimtarët po presin në radhë të gjata pranë pikave kufitare, përcjell zëri, transmeton Albinfo.ch.

Disa nga to janë postuar në pikën kufitare me Hungarinë, ku shihen veturat e mërgimtarëve duke pritur të kalojnë në këtë pikë.

Në rrjete sociale janë duke qarkulluar fotografi nga shumë bashkatdhetarë të cilët shihen duke pritur në kolona të gjata rrugës për Kosovë.