Kombëtarja e Kosovës, miqësore me Werderin e Bremenit

Të premten e javës së ardhshme, më 27 mars, klubi futbollistik Werder nga Bremeni që bën gara në bundesligën gjermane do të zhvillojë një ndeshje testuese me formacionin kombëtar të Kosovës. Siç është bërë e ditur të mërkurën, ndeshja do të jetë e karakterit miqësor dhe do të fillojë në orën 18.30 në stadiumin Eintracht në Nordhorn.

Për përfaqësuesen kosovare, ndeshjet miqësore janë deri më tash mundësitë e vetme për të luajtur futboll në raporte ndërkombëtare, për faktin se ajo ende nuk është njohur si anëtare me të drejta të plota në Fifa dhe në Uefa, shkruan portali i Radio Bremenit..

Nga ana tjetër werder Bremen synon që të shfrytëzojë këtë test ndërkombëtar që të ruajnë ritmin e lojës, përkundër pauzës dyjavore që e ka në Bundesligë.